აღალო თუთაევი

მწერალი, პუბლიცისტი, გორის სცენის მოყვარულთა საზოგადოების სულისჩამდგმელი აღალო თუთაევი დაიბადა 1842 წელს. 
დაბადების ზუსტი ადგილი უცნობია. 
თანამშრომლობდა ქართულ პრესასთან („დროება“, „ივერია“, „თემი“ და სხვ.). აქვეყნებდა პუბლიცისტურ წერილებს, პიესებს, ნაკვესებს. 
XIX საუკუნის 70-იან წლებში აქტიურად მონაწილეობდა გორის კულტურულ-საგანმანათლებლო ცხოვრებაში. 1877 წელს ნ. დიასამიძესთან ერთად საკუთარი ხარჯით გადააკეთა გორის ძველი როტონდა და თეატრი დააარსა. 
80-იანი წლებიდან ცხოვრობდა თბილისში, ჰქონდა საღებავების ქარხანა, რომლის შემოსავლის ნაწილს საქველმოქმედო საქმეებს ახმარდა(მატერიალურად ეხმარებოდა სკოლებს, ეკლესია-მონასტრებს). 
დიდუბეში, საკუთარ სახლში, დაარსებული ჰქონდა ბიბლიოთეკა-სამკითხველო.