ნიკო დიასამიძე

ქართველი საზოგადო მოღვაწე, პუბლიცისტი, მეცენატი ნიკო დიასამიძე დაიბადა 1845 წელს გორის მაზრაში. 1877 წელს აღალო თუთაევთან ერთად გორში თავისი ხარჯით გადააკეთა ძველი როტონდა და იქ თეატრი დააარსა; მას საკუთარ სახლებში (თბილისში, სოფლები: საქაშეთი, ბრილი) მოწყობილი ჰქონდა სალონები, სადაც მართავდა ლიტერატურულ შეხვედრებსა (ე. წ. „ორშაბათები“) და თეატრის წარმოდგენებს. 
XIX საუკუნის 80-იან  წლებში მან თავისი სახლი, რომელიც მთავარ ქუჩაზე (ახლანდელი სამეფოს ქუჩა) მდებარეობდა, აჩუქა ქალაქს.

ნიკო დიასამიძის საზოგადოებრივი ცხოვრება

1892 წელს, გორის მაზრის სოფელ ბრილში (ახლანდელი ხაშურის მუნიციპალიტეტი), მის სახლში, მისივე მონაწილეობით ჩატარდა გაზეთ „კვალის“ დამფუძნებელი კრება. ნიკო დიასამიძე გაზეთ „დროებაში“ აქვეყნებდა პუბლიცისტურ წერილებს სოციალურ და განათლების საკითხებზე.

 
წყარო: მარინე უთნელიშვილი, გორის ისტორიულ-ეთნოგრაფიული მუზეუმი.